Volevo solo dire a Cino Pedrelli che i suoi versi mi sono piaciuti molto molto molto se Arfelli avesse, come sperava, incontrato Lei, caro Signore, a Cesena, egli avrebbe potuto dirLe che abbiamo letto "La cumetta" insieme, a volte con cordiale e vivace allegria a volte con vera commozione. Lei è un artista. Non mi provo nemmeno a cercare un aggettivo. Un artista e basta. Le dirò anche che io non ho mai amato molto la poesia dialettale, nemmeno la più letteraria, e ho sempre pensato che il povero dialetto nostro, così rozzo rispetto almeno ai più illustri, non fosse in grado di esprimere sentimenti delicati (come, per esempio, i Suoi) e di piegarsi perfino a eleganze metriche (come ora le Sue). Il mio consenso vale solo per questo. Grazie e saluti cordiali dal suo Marino Moretti.
La lettera è stata pubblicata. (Cfr. C. Pedrelli, Quattro passi per Cesena, in 1885-1985 Marino Moretti, numero straordinario di "Gazzettissima Romagna" a cento anni dalla nascita di M.M., Cesenatico, 1985, p. 18.)
Una ziga, tusèda ala bebè,
cun una fazza tonda da bulgnésa,
la ven olta in vestaja par la viola
tastand e’mur, e intent la céma: “Ardore,
Ardore, dove sei? Perché non vieni?”.
La s’ ferma ‘d ogna tènt, par stè in uréccia.
S’ la sint e’ pass ‘d un òmn’ int e’ salghè,
la lassa e’ mur e la s’i botta dria,
la l’ciapa par la giaca, pr’ una manga,
la i dis: “Ardore, perché fai così?”.
E’ passeva un ragazz, l’à avù da fóttar
quant ch’ l’à vlù, pr’ arivés a sgavagné.
E adèss, gamba ! E’scantona par chi viul,
sotta a chi pùrgat, dentra a chi vultun…
Mo lia la n’abandona la partida,
la i corr da prèssa, e’ pe’ch’la vegga lôm,
indù ch’e’ volta lia…
U s’è infilé dentra a l’andron sbajé,
l’è int un curtil, e’ corr só pr’una schèla
cun la ringhira trafurèda ad legn,
l’è int una lòza cun tott’porti srèdi,
sol che l’ultma la zéd sotta a la mèn…
L’è int un salòt, ch’ e’ lènsa cume un mènts.
U s’ guèrda in zir. E’ spéndula da e’ mur
testa ‘d inzó, una salamandra, fata
ad perli rossi cume pumariéli,
mo longa un brazz. E fil ch’u la sustneva
u s’ romp, la salamandra la s’insaca
par tèra, al perli al fa una scarbujèla,
aglj arimbèlza, al corr da tott i chènt,
po al torna vers e’ mèz, al mett insem
‘d arnov la salamandra totta intira,
ch’ la s’invéja cun zèmpi, testa, coda.
La s’è andèda a stuglè travers la porta.
Adèss la manda di sprai vird da j occ.
Sta pu sicur ch’u n’passa pió nissun.
E’ GAT L’ È AD LÀ
E’ gat l’è ad là ch’ e’ sgrafagna la porta,
e d’ ogni tènt e’ cema
e’ cema a quella ch’l’è
la su manira,
ch’un vo stè da par lo.
J èl qualcadun a e’ mond
ch’e’ vo stè da par lo?
E alora arvess cla porta.
PIANFORT
E’ professor d’ pianofort u s’è spusè:
l’à spusè la Rotonda. E dop disnè,
- par lia - nenca stasera e’ vo’ sunè
Schumann, Chopin e Bach.
Mo la Rotonda la s’è indurmantèda.
La j aveva una gamba incavalèda,
la s-ciafula pien pien la s’è sfilèda,
la j à fatt: plach!
L’ È UN AD QUI
L’ è una ad qui ch’ i dis (in bona féda!)
che e’ Signor, e’ purett, l’ è mort da e’ fredd.
Ciou, t’ capiré: tott nud, alà só pr’ èria,
cun che vent ch’ e’ tireva sora e’ mont!
UN NÌGAR
U m’ è passè dachènt un vucumprà:
un nìgar acsé nìgar, mo acsé nìgar,
che, s’ t’ a l’ incontr’ad nòta, t’a n’ e’ vì.
LA CAVALETTA
In vetta a e’ foi, tac! Una cavaletta,
znina e secca, culor ad erba fréda.
Ai dagh cun la cannetta
int al zèmpi didria.
Fina ch’ la s’è decisa a vulè via...
Oh oh quell ch’a j ò vest!
La j à un pió bèll sottabitin celèst!
L’arvanzarà i sgrafagn dal nòstar óngi
int i vìdar, int l’èria,
par tott quell ch’a j avréssum
vlù, ch’a n’avam avù.
La pèsta
U j è la pèsta, in zir. I murt i i spléss
senza la cassa, cun la testa fora
da la tèra, pr’ avdé du’ ch’ii j à mess.
Tèsti stuglèdi, ch’l’è di bost ad zéss,
dop a un po’, par la pórbia ch’u i ven sora,
int e’ nès, int al zéji, int i cavell.
Se ’d ogna tènt u i n’è tri-quatr’ in fila
ch’e’ pè ch’i dorma un sora e’ pèt ad cl’èt’,
e’ vo’ dì ch’j era bab, mama, fradell.
I manifést
Int la mura dal scóli elementèri
u j è do fili ad manifést da mort.
Tott’ al matàini, quant ch’a scap d’in cà,
a j atravérs la strèda,
ch’a i vagh a dè un’ucéda.
No, e’ mi nóm u n’gn’è ancora, stamatàina.
A pòss fè quàtar pass. A vagh in piazza.
Giorgio
La bura la spalancarà la porta:
l’antrarà Giorgio, tott incaputè,
tott insciarpè, cun e’ passamuntagna
ch’u i lassa scvert a malapena j ócc.
Pesènt cume una volta, u s’mitrà in sdé
int la scarana ch’la j è dri’ ala porta,
senza cavès gnenca la sciérpa, senza
dì una parola. A s’i farem dintond,
e qualcadun, ch’u s’sintirà la fazza
totta quanta bagnéda a l’impruvisa,
u s’mitrà in znòcc, u j abrazzarà al gambi.
E al dmandi, al dmandi: «…Mo du’ v’ ài purtè?…
Alà só du’ ch’l’è sémpar giazz e nébbia?…
E induv èla la mama?… E e’ bab?… Cum’èla
ch’turné sol che adèss, dop a tènt ann?…»
Mell dmandi. Mo u n’arspundarà parola.
Du minud, e ’d arnov e’ sarà in pia.
Par la porta ch’la j era armasta averta
e’ sparirà, ch’u l’sta ’d astè la bura.
Inserito da Maurizio Balestra il 24/11/2010 - 15:35
Signour dal luserti
e di garzul ad cheval
csa fet adès?
Al dis e mez dla soera
acsè in zeir par l'univers?
Tant tcì ormai stof?
Ta n'è voia aenca tè ad arpunsèt?
Cumunesta
Quand am imbariig a sogn
... um pae ad vulae
am sent un cumunesta!
Amaracmand
Vincenzo
e fiol de por Pacalin
quel che lavureva cmè un sumar
e quand l'andet te sdael
e durmet par una smaena intira
l'è mort...
Mi su tri fiul u i à lase
un miliaerd e mez in baenca
la caesa granda se fond
tri apartamint a Cesoena
tla zona ad Cernibil
un fundarein al Flonghi
cumprae da Ivo ad Mota
e se cumaden un bigliet
s'una parola:
"amaracmand".
Clicca per guardare il video
Inserito da Maurizio Balestra il 8/01/2011 - 17:47
Partì’ acsè senza dì’ gnint e’ sabat séra
scalê’ zo da un tréno
a la dmènga dria mezdè
int una zità fora d’Italia
a là vaiun…
du t’a-n ci mai stê…
invjis pianin a pë par una streda
farmês dagli óri int un incrous
a guardê’ al doni biòndi caminê’
e po döp antrê’ int un bar
e dì’: “Ein cafè.”
e po rid e fê’ d’së cun la tësta
a un ch’u-t scor senza capil
e po andê’ in zir fina dri séra
guardê’ e’ sól ch’e’ cala adlà d’un fiom
sintis alzir
no pensê’ gnint
mets’a fis-cì’:
oc, ureci e straz ch’i và inquà inlà.
Stanota ch’an durmiva
guardand int e’ suffet
ho vest un film ch’u m’à fat pianz:
j’atur a sami me e te
firum… in pia… davèinti a ca di tu:
t’a i sirta preima te che t’scurivta
pianin pianin, cun una gran pazinzia
e d’ogni teint “capisci?”
givta, “capisci?”
E me ch’a n’aveva la forza par guardet,
la testa banduneda par un vers
a faseva segn ad se, se, se…
e dop int un momeint
t’a m’è tuchè una spala cun un did
e t’è det “va bene?”.
«E me ch’a sareb mort par non es a le
ho alzè la testa, ho fat una piga cun la bocca
e ho dett “va bene… certo” e po dop
inteint ch’andeva a la funteina par lavem la faza
te t’è ciuð la porta.
Per rendere disponibili alcune funzionalità ed assicurare ai visitatori una esperienza di navigazione ottimale, questo sito fa uso dei cookie. Leggi l'informativa sui Cookie prima di proseguire la navigazione.
Visita questo sito
