| Collegamenti :: Poeti di Romagna |
Giuliana Rocchi (Santarcangelo di Romagna, 1922 - 1996)
L'Uso della memoria
Giuliana Rocchi - Te vièl de sgnéur a Rèmin
La vóita d’una dona : poesie romagnole / Giuliana Rocchi -1980
Pr’ e’ carnevel d’una volta
I eva scanè e baghen.
A oc agoz
torna a la rola
chi burdel i aspiteva i grasul.
L’è ste du gambarun ad pió
ch’i j à brusé.
L’an de’ nivon
E’ mi ba l’era cuntent
d’avé mes int e’ d’ ciota
zoch e sarmint
e la nota
u n’andeva piò a la finestra…
E’ bufeva
int e’ d’ciota a n’emi gnint
intent ch’e’ bruseva l’utum zoch
guardend al sfrofli e’ mi ba e’ suspireva…
E’ let ad foj
Int e’ let ad foj
a j ò durmì fina a vant’en.
A sami tre;
quant as muvemi
a femi un gran malan.
A stami ranicedi
toti insem;
al cuerti aglj era pochi
però a stasami ben.
Quant a durmemi
e a sami int e’ pió bel
al polsi agl’incminziva
e’ saltarel.
E no ridì vuit
ch’avì guasi i mi an;
i zuvan in li à cnusudi,
ma aglj era ench ti vost pan.
L’onica verità
L’onica verità
ch’ò santì int la mi vita
l’è stè al busij
dl’oman ch’a j ò vlu ben.
La morta
La ven
lan guerda int la faza
a nisun
la tó só tot
vec, zuvan, burdel.
Enca i padrun.
Dop a la guera
La sdaza
só int e’ ciod
la j è sparida,
int la matra
la farena
la j è fnida.
La guera no,
la guera la j è ’ncora.
E’ vlen
Al lozli un gn’e n’è pió
i li à invalnedi
e gren l’è arvenz t e’ scur
al zghili an chenta pió
cumé una volta, aglj è maledi
un po’
aglj è morti
cagljeti aglj è stunedi.
La vita d’una dona
A sera znina
e’ cmandeva chi grend
a sò granda
e’ cmanda chi znin
quant ch’l’avnirà
e’ cmandarà la morta
e me a n’ò cmandè mai.
Santarcangelo di Romagna - terra di poeti
|
|
Inserito da Maurizio Balestra
il 4/12/2010 - 17:30
Visitato : 619 volte
|
|
Giuseppe Bellosi (Maiano Nuovo di Fusignano (RA) 1954)
Giuseppe Bellosi Profilo e poesie
Poesie
Giuseppe Bellosi
Giuseppe Bellosi
Vujétar ch’a si sté còm ch’a sen nó,
vó ch’a murì par sèmpar,
d’là da la mura,
ch’a vdi int un sòni
cal vôlt ch’a v’afarmivi int e’ cafè,
ch’a ciacarimi in piaza;
che pô ch’a sen ariv a dìs
adës a cve a-m l’arculd sól me.
E pu u-s tucarà a nó,
cvânt ch’a vniren int la ment
a on ch’u s’à cgnusù,
e e’ sra un pinsir o un sòni,
ch’u-s pérd int l’aria.
E cvel ch’l’è ’ndê l’è ’ndê.
Clicca per guardare il video
|
|
Inserito da Maurizio Balestra
il 3/12/2010 - 13:55
Visitato : 784 volte
|
|
|
|
Inserito da Maurizio Balestra
il 15/02/2011 - 20:15
Visitato : 592 volte
|
|
Leo Maltoni (Cesenatico 1936)
Poesie
Profilo e poesie
E' pustàin
Quand che e’ vent
e’ taia la faza,
d’invéran
i dé senza sol
i mor pràima d’ nas.
D’ogni tènt da i vìdar
u s’vid i pivìr e al flàini
ch’ i s’dà drìa
int i guàz.
Me a n’ végh l’ora
ch’ e’ pasa e’ pustàin.
E dì ch’ a l’ so za
che tot i dé
e’ va dret!
(da La nebia)
|
|
Inserito da Maurizio Balestra
il 20/11/2010 - 17:48
Visitato : 640 volte
|
|
|
|
| Prossimi eventi |
| Nessun evento futuro annotato |
|
| Info Sito |
| Utenti online: 1 |
| Visite al sito: 28180 |
| Visite odierne: 11 |
Record online: 59
(il 9/01/2023 - 12:06) | |
|
Visita questo sito
Laura Turci
