| Collegamenti :: Poeti di Romagna |
Lorenzo Scarponi (Bellaria (Bordonchio)- 1956)
Pansàe
Pansàe: u j è dal volti ch'à péns br>
d'andàe dlòngh
na d'andàe zò o sò
d'andàe d'inàelt
at cal nòti turcòini
qvand ch'u n'è ancòura nòta nòta
ad bòta spiché un sàelt
Bloz
A sém carsù...
cunténd i vagun dè' tréno
curéndsi dri
tra i pajr.
U n gnè piò...
u n gnè piò un paièr.
Bloz!
Parchè?
A m'arcourd
Un bel arcourd u n sparés.
T'al mét t'un cantòun
t'al toir fura quant t'vù.
La zéngia ch'la sbat ma tèra
mi pì dè lèt...
è' mi bà.
|
|
Inserito da Maurizio Balestra
il 1/01/2017 - 16:25
Visitato : 251 volte
|
|
|
Nevio Spadoni (San Pietro in Vincoli,1949)
Clicca per guardare il video
Nevio Spadoni
Nevio Spadoni
Profilo e poesie
Poesie
Col dialetto si può dire tutto
Poesie
U j è dal vôlt ch’a sogn ad turnê a ca,
mo cs’a vut mai, a n’ò cambiê smilanta!
E pu mo a vegh dal ciöz
ch’al cóva int una stala
e a so sicur ch’l’è cvela
in do che da burdël
a vdè un vidël dê fura.
I lìvar j è vnu dop
cun una lengva nôva.
S’è fos e’ mêl dla lengva,
l’è e’ fat ch’a n’s’ acapen!
Lus 1
Clicca per guardare il video
Lus 2
Clicca per guardare il video
La persa
Clicca per guardare il video
|
|
Inserito da Maurizio Balestra
il 27/11/2010 - 10:16
Visitato : 610 volte
|
|
|
Nino Pedretti (Santarcangelo di Romagna, 13 agosto 1923 - Rimini, 30 maggio 1981)
Pedretti
La cherta zala
Mio padre (E' mi ba)
Clicca per guardare il video
E' mi ba
Clicca per guardare il video
Geograféa
A dlà ad cal pòrti
ch’a n s’arvéva mai
a dlà ad che silénzi
dòu che nascéva e’ vént
la maréina de mònd
dréinta una stèisa
un lómm t’una pòzza d’azórr,
una geograféa
Sa Saràl
Ho pèrs i cavéll, i dènt
la vésta bòna
la figa l’è un arcòrd
cumè al méili cudògni,
epure u m’ pìs e’ mònd.
Sa saràl
sta vòia ad campè
che t’ vé a tò sò
te dòulz d’ na caramèla?
La morta dla sora
Gino l’avdétt muréì
una sora biénca
ad quèli ch’al sta
sèmpra te ciéus.
Al fasci spaduléun
te lètt ad fèr
e li cumè una zira,
una farfala sploca
la l gurdèva fess.
"A n sò un dièval,
a sò un muradòur."
Alòura lia la alzétt
una mèna sècca
e Gisto e’ pasétt
t'un'ènta cambra
ch’u s’avdéva un zardéin
ch'lera un splindòur.
Nino Pedretti - Biografia
Poesie + un saggio di Giuseppina Di Leo
la dòna
Mè la dòna, viti,
a la avrébb,
ch'a i ò bott l'òc.
Mo li la sta dalòngh
sa l'òs-cia dòu
e mè a sò 'què
senza mutòur
che pu a n'e' guéid.
Da: l'Argaza
Il poeta della porta accanto
I nomi delle strade
L'uomo è un animale feroce
la guèra
E' paèis l'éra znin,
ingranznéid,
cumè un burdlin tal fasci;
e' treméva tott
u s'incripéva
e' mandéva una porbia di madéun,
un fom ad morta.
Ogni bòta ad canòun
una candéila
la pardéva lom
dréinta tal chèsi.
I tedesch cumè di lopp
dri ma la zénta
e Rigo s'un carètt
si cavéll imbianchèd
par la paéura
e' curéva rigénd
mu mè i m'amaza.
la guèra u n'è la morta
te tu lètt, l'è la benzina
ch'la bréusa al gambi
mi burdéll,
l'è un fòur tla pènza
ch'u t'fa magnè la tèra
cumè e' gat prèima che t'mora.
La guèra l'è e' cor
ch'u s'fa acqua fréida
parchè t'é fatt i nom la la Ghestapo.
La guèra l'è che mort
t'a i é rubé la maia,
i bdocc ch'i t'còula di cavéll
e' sangh che t'chéigh
si chéulp ad tòsa.
L'è che mèl 'd dént
ch'u t'bossa te zarvèl
e' frèdd, sòtta la pèla.
La guèra l'è i èlbar
ch'è acsè béll,
e' zil ch'l'è grand,
e' fiom ch'e' va cumè una vèila.
E tè, inzighéid, strupiéd
bsògna che t'mora.
I PARTIGIÈN
Un n’è par véa d’la gloria
sa sém andè in montagna
a fè la guèra.
Ad guèra a sémi stoff,
ad patria ènca.
Evémi bsogn ad déì:
lascés el mèni lébri,
i pii, gli òcc’, a glu urèci;
lascès durmèi ‘nt e fén
s’una ragaza.
Par quèst avém sparè
a’ s sém fat impichè
a sèm andè a e’ mazèll
pianzènd ‘nt’ e’ còr
e al labri ch’al tremèva.
Mò ènca a savémi
che a pét d’un boia d’un fascésta,
neun a sémi zènta
e lòu del mariunèti.
E adèss ch’a sém mort
n’u rumpéis i quaieun
sa ‘l cerimòni,
pansè piutòst m’i véiv
ch’ì n’apa da pérd ènca lòu
la giovinezza.
|
|
Inserito da Maurizio Balestra
il 17/11/2010 - 13:20
Visitato : 649 volte
|
|
|
|
Inserito da Maurizio Balestra
il 17/01/2011 - 13:39
Visitato : 613 volte
|
|
|
|
| Prossimi eventi |
| Nessun evento futuro annotato |
|
| Info Sito |
| Utenti online: 1 |
| Visite al sito: 26469 |
| Visite odierne: 24 |
Record online: 59
(il 9/01/2023 - 12:06) | |
|
Visita questo sito
Paolo Borghi
