Tiglio di Maurizio Balestra
Primo calssificato al premio "Sauro Spada" 2010

Straccio. Oooooh! Straccio…
L’era da la matena ch’e’ rugiva e u n’aveva fat gnenca un mez caret.
L'era un'ora.
Un brot de’ incua. E dì che da sti dé, finì l’inveran, i duveva es i dé bun. Che cal donì as cazeva a pulì in ca e aglj'aveva sempra di straz da buté via, e int è buté via, dal volti, u j era nench capitè che aglj aves slunghì dla roba bona… Us cazet int un'ombra e us mitet a magné da la gamela ch' u sera purtè dria.
Tajulen, quji d’iarsera, cun e' pen gratè.
’Csé giazé i faseva quasi schiv, mo l'era da la sera prema ch'un magneva e j andeva zó cumé s’e’ fos dl'ales.
Ch'u sera nench purté dó didi ad bei…
La Pasqua la sera sbrighida…
U j era nench poch'oli, ch’i faseva un nod... S'u n’era par che po’ ad sanzveis...