Tosca Edizioni - FAQ :: Loris Babbini

FAQ

Loris Babbini

(clicca su) Loris Babbini

Le ultime poesie

Che dé

Che dé ch’a capirò
parché ta m’e’ det: “No...”
int un sgond
a sarò in chev a e’ mond.

E’ chelum

Sé, sé, tola cun chelma la vita...
Sté só ch’l’è bela mezdé e sobit int e’ bar a to e’ cafè.
Artournè a ca par magné e pó d’arnov int e’ let.
Al quatar e tu bel zirtin in piaza
par truvè quailcadun da fè dal ciacri
e la sera ancora int e’ bar a dì dal cazedi.
Amigh, miga par dì, mo t’stè int un bus ad ca
e zira vousi che t’sipa un po’ zó ad bajoch
un sareb oura che ta t’dases una mosa?

E’ Ré di liun

Par la dona? A só invalnè
nisun l’è cumpagna me
s’a n’vegh ona a stagh da stè:
di liun a só e ré.

Bionda mora rosa o gagia
ta m’ avdess quand a só in spiagia
óc avert antena dreta
sempra dria a zirchè la teta.

La i fos ona ch’la tnes bota
l’outma pó la s’è stracota
la m’zircheva dé e nota
u m’è cnù cazéi una bota.

E problema l’è la ma
ch’la m’à cius la porta ad ca
la m’dis sempar: “Ci un baghen
ciapan ona e stai insen!”

Mo me zet a scrol la testa
e a entr in ca da la finestra.

Cs’et prisia?

Dì lo e’ dis: “Cs’et prisia...?”
Cumó: “Cs’et prisia...”
L’è da pù incua ch’a sem a que
tra sta mota dria ma ste puzet
un fred, una nebia
ades e’ taca enca a sguzlè
e lo e’ dis: “Cs’et prisia...?”
A voi di me: mo cum ci mes?

T’zirch un quel? Ta n’ é trov mai

T’zirch’un quel? Ta n’ é trov mai
e l’è sempra un gran bel guai
sapa, giuri, guint, antnai
“Mo in duvó ch’al sarà mai?”
Zirca ad qua zirca ad là

zirca dentra e fora ad ca
zirca pu dria ma che sas
arves enca e’ materas

zirca pu cumpagna un sprè
dé e nota nota e dé
che pó int’l’utum fat pataca
ta l’aviti a lè int’la saca

La vulira

Lia? Tra mez al gambi
l’aveva una vulira.
Porta sempra averta
usel ch’i antreva e i scapeva
cm i vleva.

Quel che là

E’ scor, e’ dis, e’ragna...
Tot e’ dè.
Mo cs’ut dì? Cs’et da rugì?
T’saves emench quel ch’t’dì...
Ta n’é sé gnenca...
E alora cs’ut scor?
Sta zet no...
La ha fié la troia.

La fié la troia:
tredg baganin ch’i fa voja
j è un spetacual
un dria cl’et
tot da presa ma la su ma.
I pulsen i è sot la cioza
u n’ s’un mov un.
U n’s’sent che un “Pio pio”
d’ogni tent mo l’è robi da gnent.
E’ vidlin l’è ancora lè che teta
mo tra poch enca lù u s’indurmenterà
l’è quis-cion ad minud.
La su ma la magna l’utma bucheda ad fen:
ch’la feza pù a i n’ò mes pr’una smena...
E’ trator cun e’ pargher l’è sot e’ porgat
e ades e pó enca piov che enca par st’an
e’ cantir l’è sistemè.
I atrez (vanga, sapa e e’ rest...) i è int e’ su post
un menca gnent.
E muret in chev a e’ viel a l’ò sistemè:
dó predi e una secia ad ciment
l’è ste un zugh.
I burdel int la cambra ad là in s’sent:
a j ò fat zughè tot incua i sarà strach s-cient...
La mi Gigliola invizi dria mu me
l’è da dó ori ch’la fà di surnec...
Ai sò sol me sveg e a n’m’ariv a indurmantè:
avrò lavurè trop?

La nove colli

Dal gran bizicleti
ch’al pasa ona dria cl’eta
pr un oura.
T’avdes a ch’ roba